L’associu arterra creatu in lu 2012, travaglia à u sviluppu è à a sparghjera di e pratiche artistiche oghjinche nuvatrice indì paisaghji corsi.

arterra travaglia di manera significativa iniziendu è sustinendu prugetti artistichi ghiusti è valevuli chì  si tinissinu l’impegnu di fà di l’arte una pratica dinamica di l’ambiente.

Issa forma di spressione artistica si marita benissimu cù e realita  mittendu in anda attori sferenti di u territoriu, mittendu inseme i mezi soi.

Fruttu di ricerche, di scontri, di sperienze spertute maritendu arte, natura e sucetà, l’associu arterra s’addirizza à un publicu largo frà mostrei, videos, filmi ducumentarii è publicazione.

Issi appoghji permettenu d’inizià azzione pedagogiche, d’addirizzalle à e strutture educative da permette una sensibilizazione à u patrimoniu, à l’ambiente è à u sviluppu à long’andà.